انټرنېټي خدمتونو ته لاسرسی ـ ګردی مېز: په بېلا بېلو موضوعاتو د تجلا راډیو ځانګړې خپرونه
مېلمانه:
خبریال ذبیحالله وصال
خبریال ایمل پسرل
چمتو کونکی: جمیل الله حیران
نېټه: ۲۰۲۵/ ۹/ ۲۸
په نننۍ نړۍ کې انټرنېټ د بشري ژوند یوه نه بېلېدونکې اړتیا ګرځېدلې ده. د معلوماتو موندل، د اړیکو ساتل، سوداګري، زدهکړې، او حتی د دولتونو د خدماتو ترلاسه کول، ټول د انټرنېټ له لارې ترسره کېږي. له همدې امله د انټرنېټي خدمتونو ته آسان لاسرسی د هرې ټولنې د پرمختګ لپاره حیاتي ارزښت لري.
خو په ډېرو سیمو کې لا هم خلک له انټرنېټي خدمتونو بېبرخې دي یا یې لاسرسی محدود دی. دا حالت د زدهکړې، اقتصاد او د معلوماتو د تبادلې پر بهیر منفي اغېزه کوي.
انټرنېټي خدمتونه د یو ملت د معلوماتي ودې او ډیجيټلي پرمختګ بنسټ جوړوي. هر څومره چې دا خدمات پراخ او د باور وړ وي، هماغومره د خلکو د ژوند معیار لوړ کېږي.
خبریال ذبیحالله وصال په دې اړه وايي:
> «انټرنېټ یوازې د اړیکو وسیله نه ده، بلکې د پوهې او اقتصادي ودې یوه دروازه ده. کله چې ټول وګړي ورته لاسرسی ولري، نو د هېواد فکري او تخنیکي ځواک ډېر ژر پرمختګ کولی شي.»
د خبریال ایمل پسرلی په وینا؛
«په هغو سیمو کې چې انټرنېټي خدمتونه کمزوري دي، خلکو معلوماتو له نوې نړۍ څخه وروسته پاتې کېږي. دولت او خصوصي سکتور دواړه باید د انټرنېټ د پراختیا او ارزانه کولو لپاره ګډ ګامونه واخلي.»
انټرنېټ د معاصر ژوند یوه حیاتي اړتیا ده، او د دې خدمتونو پراختیا د ټولنې د پرمختګ لپاره بنسټیز ارزښت لري. که حکومت، خصوصي سکتور او عام خلک ګډ کار وکړي، نو هر وګړی به د معلوماتو له نړۍ سره نښلول کېږي، چې دا به د پرمختګ، پوهې او سوکالۍ نوې دروازې پرانیزي.
#تجلاراډیو